АКШнын коргоо министрлиги Иракта америкалык жана жергиликтүү аскерлерге, жарандарга кол салуунун көрсөткүчү эң жогорку деңгээлге жеткенин билдирди. Пентагондун статистикалык маалыматы боюнча, 10-ноябрга чейинки акыркы 3 айдын ар жумасында жоочулар 959 жолу кол салган. Кечээ АКШнын жаңы коргоо министри катары ант берген Роберт Гейтс Ирактагы стратегия боюнча америкалык күчтөрдүн коммандачылары менен сүйлөшүүлөрдү жүргүзүү үчүн жакынкы арада Иракка бараарын билдирди.