Учурда камакта отурган Белорус оппозициясынын лидери Александр Козулин ачкачылыкты токтотмоюнча аялы менен жолугушпайт, деп колониянын жетекчилиги чечти. Козулин 19-марттагы президенттик шайлоонун жыйынтыгын жокко чыгарууну, президент Александр Лукашенконун жеңишин тааныбоону талап кылып, нааразылык акциясын уюштурганы үчүн беш жарым жылга кесилген. 51-жаштагы Козулин 20-октябрдан тартып ачкачылык жарыялоодо.
