Евробиримдик Тажикстанда өткөн президенттик шайлоо боюнча ЕККУнун алдын ала билдирүүсүн кубаттады. Билдирүүдө 6-ноябрда Тажикстанда өткөн президенттик шайлоонун жүрүшүндө мындан жети жыл мурун өткөн шайлоонун жүрүшүнө салыштырмалуу бир кыйла жетишкендиктер бар экени айтылат. Евробиримдикке учурда төрагалык кылып жаткан Финляндия, ошентсе да, Тажикстанда шайлоо толугу менен эл аралык стандарттарга ылайык өттү деп айта албасын билдирди.
