Юстиция министри Марат Кайыпов журналисттерге берген маалыматка караганда, Конституциянын парламентке 6-ноябрда Курманбек Бакиев сунуш кылган вариантын кабыл алуу боюнча сүйлөшүүлөр жүрүүдө. Ал эми мамлекеттик катчы Адахан Мадумаров 6-ноябрдагы варианттын ордуна президент Конституциянын жаңы редакциясы жөнүндө мыйзам долбоорун сунуш кылганы жатат деп башкача маалымат айткан. «Бүгүн бардык маселелер чечилет деп эсептей бергиле»,- деп билдирди Адахан Мадумаров. Азыркы учурда президенттин сунушун өткөрүү боюнча депутаттар менен сүйлөшүүлөр жүрүүдө.
