Бүгүн кечки саат тогуздарда президент баштаган бийлик өкүлдөрү менен «Реформа үчүн» кыймылынын лидерлери экинчи ирет жолугушту. Президент анда оппозиция койгон 10 талаптын экөөсүнө - башмыйзамдын жаңы долбоорун парламентке алып чыгууга жана мамлекеттик телекөрсөтүүнү коомдук телекөрсөтүүгө айлантууга гана оозеки макулдугун берген. Бул тууралуу «Азаттыкка» билдирген депутат Мелис Эшимканов бийлик калган талаптарды аткарууга даяр болбогондуктан кыймыл өлкө жетекчилигинин кызматтан кетишин талап кылган митинг уюштуруу максатынан кайтпастыгын кошумчалады. (SM)
