АКШ президентинин улуттук коопсуздук маселелери боюнча кеңешчиси Стивен Хэдли кечээ күтүүсүздөн Багдадка келди. Анда Хэдли Ирактын премьер-министри Нури ал-Малики жана Ирактын улуттук коопсуздук маселелери боюнча кеңешчиси Мувафак ал-Рубаи менен жолугушуп, аскерий жана саясий координациялоо маселелерин талкуулады. Америка делегациясынын өкүлү Гордон Жондун айтымында, Хэдлинин Багдадка келиши, америкалык жетекчилик Иракта саясий, экономика жана коопсуздук абалын текшерип жаткандыгынын белгиси.
