Депутат Муратбек Мукашев бүгүн парламенттеги сөзүндө 24-мартта Улуттук банктын Жалалабат шаарындагы филиалынан уурдалган 22 миллион сом маселесин козгоду. Анын айтымында, бул ишке президенттин иниси Жаныш Бакиевдин катышы бар экенин элдин баары билет. 12-апрелде Улуттук банктын төрагасы бул акчаларды күтүлбөгөн чыгымдарга чыгарып жаап салган. «Эмне үчүн 500 миң АКШ долларын уурдаганга катышкан адамдар мындай жооптуу кызматтарга коюлган. Анткени, ушундай жол менен бири-биринин кылмышын жаап жашырып жатышат»,- деди Муратбек Мукашев.
