Таластын Бакайата районунун борборунда жайгашкан «Нур» кафесинин жанынан 18-октябрда кечинде райондук милиция башчысынын орунбасары Мелис Ниязалиевди белгисиз адам атып өлтүрүп кетти. Облустук ички иштер бөлүмү кылмышкерлерди издөө иштерин жүргүзүп жатат.
Мелис Ниязалиев тамактанып чыгып келе жаткан мезгилде аны көздөй белгисиз адам төрт- беш жолу ок чыгарып атып кеткен. Бүгүнкү учурда облустук милиция башкармалыгынын башчысы он алты атайын топ түзүп, издөө иштери жүрүп жатат.
Милициянын божомолунда бул кылмышты жасоо уюшкан кылмыштуу топтордун гана колунан келди. Анткени, соңку учурларда милиция бул жактагы уюшкан кылмыштуулукка каршы бир топ катуу чараларды көрүп баштаган экен.
Улан Абдырахманов, Талас
Милициянын божомолунда бул кылмышты жасоо уюшкан кылмыштуу топтордун гана колунан келди. Анткени, соңку учурларда милиция бул жактагы уюшкан кылмыштуулукка каршы бир топ катуу чараларды көрүп баштаган экен.
Улан Абдырахманов, Талас