Аксы районунда 17-сентябрда өткөн курултайда азыркы бийликтин саясаты кескин сынга алынып, конституциялык реформаны тездетүү, Аксы окуясын адилет карап чыгуу, маңзат чатагына тиешеси бар адамдарды жоопко тартуу, дипломатиялык кызматтарда иштеп жаткан президенттин бир туугандарын чакыртып алуу сыяктуу талаптар коюлду. Эгерде бул талаптар бир ай ичинде аткарылбаса кийинки курултайда президент менен өкмөт башчы кызматтан кетсин деген гана талап коюлаары эскертилди. Курултайдын экинчи этабы орозодон кийин Бишкекте өтмөкчү.
