Бул сүйлөшүүлөрдө кийинки жылдары солгундап кеткен кыргыз-иран алака-катышын жандандыруу маселелери тууралуу сөз болмокчу. Голямали Хаддад Адел баштаган Иран парламентинин делегациясынын Кыргызстанга расмий сапары кечээ Жогорку Кеңештин төрагасы Марат Султанов менен жолугушуудан башталган. Иран быйыл Кыргызстанга 50 миллион евро инвестиция бөлүүдө. Бул каражат негизинен инфраструктураны жакшыртууга, калк турмушун оңдоого жумшалмакчы.
