БИШКЕК. Бүгүн Бишкекте ишин аяктаган Эл аралык валюта корунун миссиясынын башчысы Пауло Нойхаус, Кыргызстан каржы уюмунун үч жылдык программасын ийгиликтүү аткарып жатат деп билдирди. Ал эми HIPCке Кыргызстанды кабыл алуу боюнча буга чейинки талкуунун жыйынтыктары ачыкталган жок. Миссия башчысынын айтымында, эл аралык каржы уюмдары HIPC программасын октябрь айына чейин иштеп чыгып, андан кийин Кыргыз өкмөтү менен конкреттүү талкуулоого киришет.