БИШКЕК. Жогорку Кеңештин мурдагы төрагасы Абдыганы Эркебаев түндүк-түштүк проблемасын Кыргызстан үчүн башкы коркунуч катары белгиледи. Мындан тышкары экс-төрага улуттар аралык, диний бөлүнүүчүлүк, террорчул топтордун түштүк аймакта күчөп жатышы, тең салмакталбаган тышкы саясат Кыргызстан үчүн кооптуу жагдайды түзүп жатат деп эсептейт. Мындай пикирин Эркебаев 29-августта эгемендиктин 15 жылдыгына арналган жарандык форумда билдирди.
