БИШКЕК. Бул тууралуу “Эркиндик” партиясынын төрагасы Топчубек Тургуналиев “Азаттыкка”билдирди. Анын айтымында, парламенттик же болбосо аралаш башкарууну колдогондор жок эмес, бирок элдин басымдуу бөлүгү президенттик башкарууну ылайык көрүүдө. Алар мындай көз караштарын “Эркиндик” партиясы Конституциянын долбоорун талкуулап, өлкө аймагын кыдырып жүргөндө билдиришкен. Ал эми айрым саясатчылар Кыргызстанда башкаруунун аралаш формасы же болбосо парламенттик башкаруу ылайыктуу деген пикирде.
