Бишкекте укук коргоо органдары тарабынан бир жума аралыгындагы текшерүүдө мыйзамсыз сакталган Калашников автоматынан баштап, Макаров үлгүсүндөгү тапанчалар жана башка ок атуучу куралдар, ок-дарылар табылган. Ал эми Октябрь райондук прокуратурасынын жанынан РГД-5 гранатасы табылып, саперлордун күчү менен жарактан чыгарылган. Бул тууралуу шаардык ички иштер башкармалыгынан билдиришти.
