ЖАЛАЛАБАТ. “Чындык” коомунун башчысы Манас Бектемировдун айтымында, 23 июль түн жарымда депутат Кадыржан Батыров 15 чакты адам менен “Темирташ” акционердик коомунда турган адамдар менен кыжылдашкан. Аялдарга кол көтөрүп, имараттан чыгып кетүүнү талап кылган. Депутат Батыров бул маалыматты төгүндөп, имараттын жанында тургандар күзөтчү менен урушканын билдирди. Күзөтчүнүн чакыруусу боюнча имаратка барып, чуулдаган аялдардын биринин колунан кармап, акционердик коомду ээлөө туура эмес экендигин, зарыл болсо көпчүлүк менен жолугушууга даяр экенин билдиргенин айтты.