БИШКЕК. Өлкө башчысы Курманбек Бакиев жаңы Конституциянын долбоорун иштеп чыгуу боюнча жумушчу топтун жетекчиси Азимбек Бекназаров менен кечээ жолугушту. Бекназаров жер-жерлерде Баш мыйзамды талкулоодо адам укуктары, мамлекеттик тилдин статусу, жогорку бийлик кызматындагыларга кол тийбестик, Жогорку Кеңештин түзүлүшү, сот системасын реформалоо жөнүндө элден сунуштар көп түшкөндүгүн билдирген.