БИШКЕК. Оперативдик иш-чаралардын учурунда мыйзамсыз сакталган ок атуучу куралдар, жардыргыч заттар жана ок дарылар табылган. Бул тууралуу Ички иштер министрлигинин өкүлдөрү бүгүнкү маалымат жыйынында билдиришти. Алар ошондой эле айрым дин кызматкерлери террордук уюмдар менен тымызын кызматташаарын белгилешти. Ал эми Кыргызстан мусулмандар муфтийи Мураталы Жуманов «Азатттыкка» бул боюнча маалыматы жоктугун, аталган маселе тууралуу ИИМ тарабынан эч кандай кайрылуу болбогонун билдирди.
