БИШКЕК. Канадалык ишкана жер салыгын төлөө маселесинин мыйзамдуулугун териштирүү боюнча сотко убакыт сурап кайрылган, бирок сот аны негизсиз деп тапты. Быйылкы жылдын башында Жетиөгүз райондук салык инспекциясы менен Жогорку Кеңештин депутаты Кубанычбек Исабеков аталган ишкана жер салыгын төлөбөй келген деген арыз менен сотко кайрылган. Сот ишканадан жер салыгы үчүн 47 миллион сомдон ашык каражатты мамлекетке өндүрүү жөнүндө чечим чыгарган.