11-июлда президент Курманбек Бакиев Улуттук коопсуздук кызматынын башчысы Бусурманкул Табалдиев жана ички иштер министри Муратбек Суталиновду кабыл алды. Анда министрлер мамлекет башчысына 9-10-июлдагы Жалалабаддагы окуяларга тиешеси бар кылмышкерлерди кармоо боюнча жасалып жаткан аракеттер тууралуу маалымат беришкен. Операциянын жүрүшүндө кылмышкерлер менен байланышы бар бир катар адамдар кармалып, алар жашаган жерден курал-жарак, диний экстремисттик китептер табылган. Бул тууралуу президенттин маалымат кызматынан кабарлашты.
