БИШКЕК. Кыргызстандын тышкы иштер министри Аликбек Жекшенкулов Түштү Кореянын тышкы иштер министринин чакыруусу боюнча бүгүн Сеулга үч күндүк расмий сапар менен кетти. Министрдин айтымында, сапардын учурунда ал Түштүк Корея тышкы иштер жана соода, эмгек министрлери менен жолугушуп, саясий-гуманитардык, экономикалык кызматташтыкты талкуулашат. Аба жолдоруна, туризмге, тышкы иштер министрлеринин чогуу иштешүү тууралуу программасына байланышкан үч документке кол коюлат. Эмгек мигранттарына квота берүү маселеси да талкууланат. Түштүк Кореяда иштеген эки жарым миң чамалаш Кыргызстандык бар.