БИШКЕК. Бул тууралуу Москва мэри Юрий Лужков кыргыз премьер-министри Феликс Кулов экөө эки тараптуу сүйлөшүүлөрдөн кийинки маалымат жыйынында билдирди. Кыргыз-Москва өкмөттөрүнүн сүйлөшүүлөрүнүн натыйжасында соода-экономикалык, илимий-техникалык, гуманитардык жана маданий тармактар боюнча кызматташуу тууралуу макулдашуунун протоколуна кол коюлду. Москванын мэри Бишкекте «Москва үйү» маданий-ишкер борборунун жерпайын түптөөгө да катышты. Юрий Лужков ушул сапарында Ысыкөл жээгиндеги Тамчы аба майданынын абалы менен да таанышмакчы.