БИШКЕК. Уюмга мүчө өлкөлөрдүн башчыларынын жолугушуусунун натыйжасында Шанхай кызматташтык уюмунун беш жылдыгына байланыштуу декларацияга кол коюлду. Жыйын соңунда уюмга мүчө өлкөлөрдүн 2007-2009-жылдарда террорчулукка, экстремизмге жана сепаратизмге каршы күрөшүү боюнча кызматташуу программасы бекитилди. Жалпысынан бул жыйында 10 документке кол коюлду. Шанхай кызматташтык уюму – 2001-жылдын 15-июнунда түзүлгөн. Ага 6 мамлекет: Кытай, Кыргызстан, Казакстан, Өзбекстан, Тажикстан жана Орусия мүчө.
