Борбор шаардын тургундарын мурда белгиленген мөөнөттө 10-июндан тарта жылуу суу менен камсыздоого толук даярдык көрүлүп жатат. Бишкек ТЭЦинде тийиштүү иштер жүргүзүлүүдө. Бул тууралуу мэриянын басма сөз катчысы Данияр Шабданов билдирди. Анын айтымына караганда, шаар бийлиги 10-июндан тарта жылуу суу берүү чечимин кабыл алды. «Электр станциялар» акционердик коомунун башчысы Сапарбек Балкыбеков карыздарга жана көмүрдүн жоктугуна байланыштуу жылуу сууну шаардыктарга 1-июлдан тарта берүүнү сунуштаган эле.
