БИШКЕК Президент өз администрациясынын дүйшөмбү күнкү жыйынында сүйлөгөн сөзүндө америкалык базанын ижара акысы жөнүндөгү маселени жакын арада чечүү зарылчылыгын баса белгиледи. К. Бакиевдин айтымында, келишимде ошондой эле Кыргызстандын экономикалык жана экологиялык кызыкчылыктары сөзсүз эске алынышы керек. Базага байланышкан сүйлөшүүлөрдүн биринчи баскычы өткөн жумада Бишкекте болгон. Тараптар бир бүтүмгө келбей тарашкан.