БИШКЕК. Бишкек мэриясына, акимдерге жана ички иштер башкармалыктарына башкалаада нааразылык чараларды токтотуу, чектөө жөнүндө үстүртөдөн буйрук түшкөндүгү тууралуу маалыматты укук коргоочу Азиза Абдрасулова Азаттыкка билдирди. Анын пикиринде, мэрия даярдаган токтомду четке кагып шаардык депутаттар демократиялык принципти карманаарын көрсөтүштү. Шаардык кеңештин депутаттары 6-апрелдеги сессияда мэр сунуш кылган митинг, пикет жана демонстрацияларды чектеген токтомду күн тартибине киргизбей четке кагышкан.
