Бишкек. Кыргыз жарандарынын 2004-жылкы үлгүдөгү ички паспорттору Евразес өлкөлөрүнүн аймагында жарактуу болушу үчүн учурда тышкы иштер министрлиги тарабынан тиешелүү иш-чаралар жүргүзүлүүдө. Бул тууралуу 25-мартта аталган министрликтен билдиришти. Азырынча сыртка чыгууга дипломатиялык паспортордон тышкары кыргыз жарандарынын 1994-жылкы үлгүдөгү паспорттору жана 2004-жылкы үлгүдөгү жалпы жарандык паспорттору жарактуу. Евразиялык экономикалык кызматташтык уюмуна Россия, Беларусь, Таджикистан, Кыргызстан жана Казахстан кирет.
