БИШКЕК. Бүгүн Бишкектин Алатоо аянтында ыңкылаптын бир жылдыгына арналган майрамдык салтанат өтүп, ага президент Курманбек Бакиев, премьер-министр Феликс Кулов баштаган өкмөт мүчөлөрү катышты. Салтанат былтыркы март окуяларын чагылдырган театралдаштырылган оюн-зоок менен башталып, аскердик парад менен уланды. Салтанат учурунда Бишкектин борбордук бөлүгү милиция тарабынан курчалып, аянтка атайын чакырылган адамдар гана киргизилди.
