БИШКЕК. Кыргыз мамлекеттик радиосунун ачкачылык жарыялаган 5 кызматкери бүгүн ачкачылык акциясын токтотушту. Алар менен вице-премьер министр Адахан Мадумаров жолугушуп, койгон талаптарын аткарууга убакыт талап кылынарын билдирди. 15-мартта кыргыз радиосунун жетекчиси Байма Сутенованы кызматтан кетирүү талабы менен 5 журналист ачкачылык акциясын башташкан эле.
