БИШКЕК. 13-мартта Кыргыз өкмөтүндө Нооруз майрамын жана 24-март-ыңкылап күнүн өткөрүү боюнча уюштуруу комитетинин мүчөлөрүнүн жыйыны өттү. Анда былтыр ыңкылап болгон 24-мартты кантип атоо тууралуу талаш-тартыш болуп, айрымдар аны элдик ыңкылап күнү деп атоону ылайык көрсө, дагы бирлери Улуттук ынтымак жана биримдик күнү деп жарыялоону сунушташты. Уюштуруу тобу ушундай талаш-тартыштан соң акырында 24-мартты элдик революция күнү деп атоо тууралуу чечимге келишти.
