Луиз Арбур айым Орусиядагы адам укуктарынын абалы менен таанышуу максатындагы бир жумалык сапарын улантууда. Бүгүн Арбур айым 2 жыл мурда 330дан ашуун адамдын, көпчүлүгү жаш балдардын өмүрүн алган барымта окуясын баштан кечирген Бесландагы мектепте болот. Кечээ Улуттар уюмунун чабарманы Чеченстанда болуп, ал жердеги уруп кыйноо жана кишилерди уурдап кетүүнүн жайылып кеткенине терең капаланганын маалымдаган.
