БИШКЕК. 2005- жылы Кыргызстанда карызды жабууга 3 миллиард сомдон ашык каражат жумшалса, анын 762 миллиону тышкы карызга кетти. Париж клубунун 11- марттагы келишиминин шарттарына ылайык Кыргызстан Орусия, Жапония, Франция, Дания менен тышкы карызын реструктуризациялоого жетишти. 2005- жылдын декабрь айында Түркия бул маселени карап көрүүгө макулдук берди. Учурда Кыргызстандын тышкы карызы 2 миллиард долларга жакын.
