10-февралда түштөн кийин Бишкектеги Франция элчилигинин алдында элүүдөн ашык, милициянын маалыматы боюнча 21 киши чогулуп, Европа мамлекеттеринде Мухамед пайгамбарды кордогон сүрөттөрдүн жарыяланышына нааразылыгын билдирди. Элчиликтин кызматкерлери ал сүрөттөр боюнча расмий түрдө кечирим суралаарын убада кылды. Жума намазында муфтий Мураталы Жуманов мусулмандарды көчө нааразылыгын өткөрбөй, пайгамбарды маскаралаган сүрөтчүлөрдү жүрөктөн жек көрүүгө чакырган эле. Француз элчилигинин алдындагы пикет эч кандай чыр-чатаксыз тарап кетти.
