БИШКЕК. Кыргыз мамлекеттик телерадиокомпаниясына Жапон өкмөтү 7 миллион долларлык техника тапшырды. Бул салтанатка Астанадан Жапониянын элчиси Мито Тетсуя келди. Аталаган телерадиокомпаниянын президенти Кыяс Молдокасымов "Азаттыкка" билдиргенге караганда, КМШ мамлекеттеринин биринде да жок жаңы технологиялар тапшырылды. 1993- жылдан бери жапон өкмөтү аталган компанияга жардам берүү үчүн атайын долбоор иштеп чыккан, бул долбоордун алкагында баш аягы 21,5 миллион долларлык жардам берилет деген пландар түзүлгөн. Азырынча анын 7 миллиону өздөштүрүлдү.
