БИШКЕК. 19-январдын кечинде Бишкектеги Пенза чолок көчөсүндөгү бир үйдө жарылуу болду. Чукул кырдаалдар министрлигинин маалымат кызматынан 20-январда «Азаттыкка» билдиргенине караганда, жарылуу чыккан үй толугу менен кыйраган. Ал эми анын кожоюну, 40 жаштагы Куслий Василий оор абалда Бишкек шаарындагы 4-оорукананын күйүк бөлүмүнө жеткирилген. Учурда аталган министрликтин оперативдүү тобу окуянын чоо-жайын аныктоо иштерин жүргүзүүдө.
