БИШКЕК. Улуттук жазуучулар биримдигин жана жазуучуларды мамлекеттик камсыздоого алуу боюнча программа иштелип бүтүп калды. Жакын арада жазуучулардын иш кеңсеси да чечилет. Бул тууралуу вице-премьер-министр Адахан Мадумаров 17-декабрда Улуттук жазуучулар биримдигинин жыйынында билдирди. Анын айтымында, жазуучулардын өздөрүнүн басмаканасын ачуу маселеси да каралууда. Жыйын соңунда бир катар жазуучуларга мамлекеттик сыйлыктар тапшырылды.
