Грузия президенти Михаил Саакашвили кечээ күнү Тбилиси шаарында өткөн жыйында чыгып сүйлөп, Грузия НАТО уюмуна 2009-жылга чейин мүчө болуп кошулаарына ал толук ишенгенин билдирди. Анын айтымында, Грузия бул Түндүк атлантикалык уюмга анын экинчи президенттик мөөнөтү аяктаганга чейин мүчө болуп кирүүгө тийиш. НАТО жетекчилигинин талабы менен Грузия азыр өз аскеринде бир топ кеңири реформа өткөрүүдө.
