Түркия премьер-министри Режеп Тайып Эрдоган бүгүн сыналгы аркылуу чыгып сүйлөп, Францияда жашаган түрктөргө кайрылды жана аларды тартип бузуу иштерине катышпоого чакырды. Анын айтымында, айрым улуттук азчылыктардын адам укуктары бузулушу мүмкүн, бирок ал укуктарды тартип бузуу аркылуу коргоо эч мыйзамдарга жатпайт. Азыр Европа мамлекеттеринде төрт жарым миллион түрк жашайт.
