Киев шаарында бүгүн - Украинанын мурдагы баш прокурору Святослав Пискундун арызы боюнча сот башталмак, бирок ал 18-ноябрга калтырылды. Президент Виктор Ющенко аны октябрда кызматтан четтеткен, Пискундун айтымында болсо, ал президентке жакын адамдарга каршы тергөө баштаган жана ошол себептен жумуштан алынган, ошондуктан сот аны кызматына кайра орнотууга тийиш. Мурдагы президент Леонид Кучманын убагында дагы Пискун 2002-жылы жумуштан алынган жана сот чечими аркылуу 2004-жылдын декабрында кайра кызматка келген.
