Кечээ күнү Женева шаарында эл аралык конференция өткөрүлүп, анда - Пакистандагы жер титирөөдөн жапа чеккендерге дагы кошумча 580 милион доллар жардам көрсөтүлөт деп убадаланды. Бирок эксперттердин айтымында, убадаланып жаткан жардамдын жарымы - узак мөөнөткө көздөлгөн аракеттер менен байланыштуу, жапа чеккендерге болсо негизинен шашылыш жардам керек. 8-октябрда болгон зилзаладан өлгөндөрдүн саны 54 миңге жетти.
