БИШКЕК. 22-октябрда өкмөт үйүндө биринчи вице-премьер-министрдин милдетин аткаруучу Данияр Үсөновдун төрагалыгы астында Каракече көмүр кениндеги кырдаал боюнча жыйын болду. Анда ар кыл тармактын өкүлдөрүнөн түзүлгөн комиссия мүчөлөрү маалымат берди. Жыйын соңунда Каракече көмүр кенин тейлөөчү мамлекеттик акционердик коом түзүү, ал эми ал жерде иштеген «Беш-Сары», «Шарбон» өңдүү фирмаларга техникасы үчүн компенсация төлөп берүү чечими жактырылды. Каракеченин азыркы кожоюуну Нурлан Мотуевдин маселеси биринчи вице-премьер-министрдин милдетин аткаруучу Данияр Үсөновдун ноябрь айынын башында Жумгалга сапары учурунда көтөрүлмөкчү.
