Ооганстандын тышкы иштер министри Абдалла Абдалла Шанхай кызматташуу уюмуна кайрылып, өлкөдөгү кырдаалды турукташтырууга колдоо көрсөтүүгө үндөдү. “Ооганстандагы терроризмге каршы согуш али күчүндө. Бардык жетишкендиктерге карабастан, согуш али аяктай элек жана Ооганстанга санаалаш өлкөлөр абалды жакшыртууга өз салымын кошушу зарыл. Бул жалпы чөлкөмдөгү кырдаал үчүн маанилүү маселе”, - деп белгиледи ооган министри.
