БИШКЕК. Учурдагы аткаруу бийлиги тарабынан Баткен облусундагы Айдаркен сымап комбинатын менчиктештирүү пландаштырууда. Мындай демилге мурдагы экономикалык өнүктүрүү, өнөр жай жана соода министри Амангелди Муралиев тарабынан сунушталып, мурдагы биринчи вице-премьер-министр Медет Керимкулов тарабынан кол коюлган. Бул тууралуу Жогорку Кеңештин депутаты Искак Масалиев билдирди. Анын айтымында, учурда депутаттар аткаруу бийлигинин мындай аракетине каршы болушуп, эл өкүлдөрү тарабынан жогорку бийлик өкүлдөрүнө кайрылуу даярдалууда.
