АКШнын түштүк-чыгыш аймактарына “Рита” деген ураган жакындап баратат. Адистердин айтымында, ал жээкке ишемби күнү жетип, Техас штатын жууп кетиши мүмкүн. Ошондуктан ал жердеги миллиондогон тургундар башка жакка көчүрүлүп жатат жана азыр Техас жана Луизиана штаттарынын аропортторунда жүз миңдеген адам чогулуп калды. Азыр шамалдын ылдамдыгы саатына 280 чакырымга жетти. Хьюстон шаарынын мэри Билл Уайт: “Техас штатынын бийлигинин жээктеги адамдарды башка жакка көчүрүү планы бар. Азыр эскертип гана коюучу мезгил эмес, тезинен көчө турган учур”, - дейт.
