БИШКЕК. Кыргызстан адам укугун коргоо комитети Кыргызстанда кыйноолорго байланыштуу отчетун 13-сентябрда таратты. Ал отчетко караганда, Кыргызстанда милиция кызматкерлери тарабынан кармалган адамдарды кыйноо жана ушундай жолдор менен кылмыштарды моюнга алдыруу адаттары уланууда.Бул фактылар боюнча бир да милиция кызматкери жоопко тартылган эмес. Комитет өз отчетунда 2005-жылы орун алган кыйноолор боюнча бир катар фактыларды келтирген.
