Газа тилкесинен акыркы жөөт аскери кетти жана палестиналык арабдар бошотулган 21 жөөт айылына кирип, жеңишке жеткендигин майрамдоого киришти. Доктурлардын айтымында, үч адам сууга чөгүп өлдү. Жөөттөр бошотуп кеткен айрым синагогаларда өрт чыкты жана Палестинанын да, Израилдин да жетекчилиги андай ээнбаштыкты сынга алды. Газа тилкесинин айрым аймактары Израилдин колунда 38 жыл болгон, Йордан дарыясынын батыш жээгиндеги айрым айылдар дагы көчүрүлдү.
