БИШКЕК. Өкмөттүн структурасы 10-сентябрдан кийин парламентке сунушталат. Бул тууралуу 3-сентябрда президенттин администрациясынын башчысы Үсөн Сыдыков «Азаттыкка» берген интервьюсунда билдирди. Анын айтымында, өлкөдөгү министрликтердин ичинен төртөө кыскарат. Мамлекеттик агенттиктердин да жарымынын кыскарышы күтүлүүдө. Ошондой эле облустардагы ондогон структуралар кыскартыла баштады. Буга чейин премьер-министр Феликс Кулов облустардагы керексиз стртуктуралар бир айдын ичинде жоюлат деп маалымдаган. Ал эми облустар эки жылдын ичинде жоюлушу каралууда.
