БИШКЕК. Орусия Федерациясынын Алтай Республикасынын маданият жана кино министрлиги менен эки тараптуу меморандумга кол коюлду. Бул тууралуу өкмөт алдындагы маданиятты өнүктүрүү комиссиясынын төрагасы Султан Раев 19-августта “Азаттыкка” билдирди. Анын айтымында, Алтайда Кыргызстандын, Бишкекте Алтайдын маданият күнүн өткөрүү плндаштырылууда. Ошондой эле маданий-агартуу иштерди өнүктүрүү, кадрларды даярдоо, маданий-тарыхий мурастарды сактоо жаатында тажрыйба алмашуу, эки элдин көркөм өнөр, маданиятын жайылтуу багытындагы иштер колго алынат.
