Башкаала Багдаддын райондорунун биринен куралчандар, мунай министрлигинин эки кызматкерин өлтүрүп, үчөөсүн жарадар кылышкан. Ал эми дарыгерлердин билдиргенине караганда, Багдаддын батыш тарабындагы атышуудан үч жергиликтүү жоокер каза тапты. АКШ командачылыгынын айтымында, кечээ жол боюндагы минага кабылганда, эки америкалык аскер каза таап, үчөөсү жарадар болду. Түндүктөгү Тикрит шаарында жанкечти бүгүн полиция бекетинде жардыруу жасап, кеминде беш адамды мерт кылды.
