БИШКЕК. Ырасмий маалымат боюнча, Кыргызстанда СПИДден 35 адам каза тапкан. 1-июлга карата Кыргызстанда 746 ВИЧ-инфекциясын алып жүрүүчү катталган, анын 660ы Кыргызстандын атуулдары. Бул тууралуу СПИД, кургак учук жана безгекке каршы күрөшүү боюнча Глобалдык фонддон билдиришти. Аталган фонддун маалыматы боюнча, Кыргызстанда СПИДге каршы күрөшкө 2005- жылдан 2010-жылга чейин Немис Өнүгүү банкы 7 миллион евро, Калкты жайгаштыруу кору, ЮНИСЕФ өңдүү донорлордон 20 миллион доллар жардам келээри күтүлүүдө.
