БИШКЕК. 20-июлда Коргоо министринин милдетин аткаруучу Исмаил Исаков менен АКШнын Кыргызстандагы ыйгарым укуктуу элчиси Стивен Янг жолугушту. Анда 25-26-июлда АКШнын Коргоо министри Дональд Рамсфельддин Кыргызстандагы иш сапарына байланыштуу маселелер талкууланды. Ошондой эле эки өлкө ортосундагы аскерий кызматташтык, Жамааттык кызматташтык уюмунун жана Шанхай кызматташтык уюумунун алкагындагы келишимдердин аткарылышы тууралуу пикир алышуулар болду. Бул тууралуу Коргоо министрлигинин басма сөз кызматынан билдиришти.
